23.失落堡壘 (第4/7页)

定睛瞪向烏鴉的森冷獰笑，交織仇隙視綫打了波眼仗，撲殺對方於各自精神世界。

    「只係無見太子哥一排啫，而家直頭型過張學友，男人老狗仲着到成個聖誕公仔咁紅噹噹，我真係出路遇貴人，實有運行啊。」鳥嘴一咧，迸吐數公斤賤蔑奚弄迎面兜臉。

    揶揄作耳邊風，粗略環掃一圈，戔戔不足他半數的魚蝦蟹呈包夾三文治隊形，太子旋即判定勝負砝碼所屬，應付裕如：「你帶住D細佬火紅火綠嚟呢度，想同我晒馬定扮雇傭兵？」

    「我點夠你呢亭大佬勁？扯馬當佈景板旺場啫，順便放一槍幫你助助興。」

    「你嘅細都表演完啦，輪得到你個臭七咩。」

    「佢攞支狗梗係英雄救美嚟，我有D驚驚哋~」傍側傳出標準粵語，細細聽來子非吾族，丰采雅量的銀髮下五官佼俏，笑咪咪靠近太子諧謔拱火，人配西裝馬配鞍，像是夜總會最靚的鴨。

    立花正仁，名號天花亂墜，關聯日本山口組背景，居位全港雙花獨苗，烏鴉同他之間沒實質齒痕，不外黑市拳競爭濫用類固醇那些雞毛蒜皮，至於他的和合圖上位史，眾說紛紜一團謎。

    那場1V10的封神車輪戰究竟水分多深，恐怕只有和記坐館高文標，抑或易忠、大飛、雷耀揚等清楚，黐埋洪興堆惺惺相惜，自詡仁義智勇沽名釣譽，港九的黃賭毒倒一份不落。

    駐紮西營盤撐陣，中環以迄薄扶林域多利鋪展實業私造日式凍嘢，吞併水房柴灣兩條常客綫，手伸長至星辰海洋，大有引控公海博彩的抱負。都稱他是紆尊降貴來香港，又裝什麼閒雲野鶴，堪堪一條躲避極道追攆的喪家犬罷了。

    東方輝煌島嶼，弱rou強食有無限可能，本埠黑幫却人才凋零青黃不接，成日大刀闊斧吶喊轉型改革，革個?仔做唯一雙花，不問問宗祖英傑與關老二能否吃得慣芥末壽司。

    簡直屎填腦路，比他烏鴉更欺師滅祖。

    嫌惡瞟他一眼，不徐不疾道：「立花，你响對江把炮，係咪想三分顏色上大紅，伸隻腳過九龍攬老襯？」

    「挑那媽，過江都係客！估自己係乜撚堅料，圪我兄弟？」太子勃然大怒，習武人的雄浑嘭聲拍撻烏鴉胸口肌塊。

    「唔使咁慶嘅，我嚟帶條女去食宵夜啫...表演就表演完喇，太子哥唔會係唔满意，想加佢鐘啩？」

    「哼，佢發台瘟，嚇走晒D客仲郁傷幾個孫，你係管唔掂嘅就我嚟幫你管。」省略話語空隙，柯打霹靂突襲：「火柴！飄忽！圍起佢！」

    近身急先鋒阪上走丸，兩道殘影飛向阿羽，大天二，阿Sam不甘落後，並駕齊驅一霎趕至，攏共5人扇形站位，擋成堅實的隔離屏障。

    與此同時，Ruger扳機保險針清脆滑軌，黑洞洞槍口直指太子。

    雙邊馬仔的騷亂重又此起彼伏，毆鬥前慣例咒爹辱媽，有些甚而揎腕擠搡，屠宰場一群瘋癲牲畜，你死我活的熱鬧。

    程度到此為止，下山虎手持兇戈萬夫莫開，誰敢拿揸fit人性命尋刺激。

    僵化淤滯，互有掣肘。

    「話管教，講嘢呀？你D細掛住你牌頭一日到黑踩過界我都忍咗好耐，佛都有火啦，邊個啱定錯留番拜山先，唔想死手足嘅就各自放人。」

    「呢度老尖，你估油麻地啊，憑咩响我面前攞人？我本環陀地，熔Q咗你班二打六都未出到門呀冚家剷！」

    「將我軍？我真係好想睇下你畀fe到蜜蜂竇咁穿晒窿會係咩樣。」

    「開槍吖笨，莫薑灼低我哋，呢舖一於吹晒雞捽撚慶你，順便收你油麻地成條拉。」他由始至終刻意忽略的陳浩南篤定朝右歪了歪頸，通道冚密堵實，提醒他身處滿鑊食滑的環境。

    姿勢面孔帥出新高度，男星瞧見都冒嫉妒，烏鴉短眴一剜，發自肺腑想把這錙銖必較的小丑顱腦爆個濃墨重彩。

    怪龍睿有失水準，美墨往返走私百無禁忌，落腳香港入鄉隨俗拘束了孟浪，怎麼也該供架AKM把洪興掃為篩子，在對手的送葬哀樂中宣布他下山虎改朵東星葉繼歡。

上一页 目录 下一页