25.虎醉今宵 (第3/7页)

   希慎資商主席唯恐梳化帶臊玷汙潔身自好，持弓背坐姿，鼻息一吭：「我係想你知道，所有機構贊助、LP撤席候選，甚至連執行反饋全部都係由利家獨裁，資質審計評估只不過係形式大過實際，我一個外姓搭橋，唔好話董事會，淨係風控委呢關就已經畀人駁翻轉頭，喺公司搞得太敏感，我嘅人以後做嘢肯定綁手綁腳。」

    一句講完，巨擘方舟焊死，他勢微言輕不夠份量。

    此次避人耳目赴約，恪守原則的戴子良態攆退公主陪酒女，威士忌雪茄均不沾碰，態度非常了然，cancel資金注入牽綫，托辭冠冕堂皇，這些紙是拿來搪塞的擋盾。

    Ray烤熱雪茄尾抽吸，呵小簇橘火：「聽講你熟行會計核報，但風險意識強咗d，以前賣鴉片賺，賣鹹魚一樣賺，死路行唔通，搵過第條水路咪得囉？」

    戴子良眼點文件：「排隊送銀嘅可以裝滿成個銅鑼灣，而家問題係閑雜免談，大佬唔缺買路費?。」

    「敢問戴主席為希慎服務咗幾耐？」

    「到港英移交主權，25年。」

    才矜誌驕的口吻，可謂行業楷模的履歷，亮出底牌立場。

    「25年仲係未明cheese越大越唔好切？」，堅果香穿指繚落，Ray叩敲其中一本報告，「經你手搞嘅project，四成社創文援，四成聯名公益，有d流去DAF，十碌八碌幾百宗，基金功能同投資轉化比係幾多？乜“仁愛樂捐”，“魚菜共生”，利益鏈玩左手倒右手，三藩Mafia都做?啦。」

    「我袋住一兩千萬坐Econ，食佢哋食淨嘅，不如搵d團體喺街度派下米送下藥。資源唔係囈翻嚟嘅，係靠搶啊戴主席。」

    一番陳詞全盤否決初衷，戴子良目光回溯後生仔再三諦視。

    「你意思係由一開始就無諗住舂個頭埋去？」

    「換句話講，我無諗過要借戴生做跳板。唔兜咁大個圈你又點可能表真態？」，抽出最薄文書，Ray為他斟酒添冰直奔主題：「呢份投資計劃涉及一項已暫停嘅基金，佢原本係董事會成員發起嘅私募，啱唔啱？」

    主席擰眉：「錯係無錯，但考慮到監管因素空置咗幾年，等某一日拎上議程投票，分分鐘作廢。」

    他不緊不慢岔腿捂進軟墊：「發起人戴加治，Dariush   R.   Hirjee？定係Hirji？前太古理事，希慎首席資管顧問，無記錯嘅話，戴生嗰位巴斯太太都姓Hirjee...」

    戴子良一霎析透暗示，忙急擺手：「唔得！佢哋只係遠親，我太太無話語權！」

    「本埠巴斯人差唔多絕跡禁濟，估唔到瑣羅亞斯德教可以接受同外族通婚，按利氏嘅前清作派，如果真係無話語權你今日仲坐得到主席個位？」

    僭越妄語，扒除半世捧端的屏羞布。

    戴子良那名魁梧的嚤啰助理不時與烏鴉相互打量，偌大貴賓房隔噪效果優異，氛圍陡跌冰點。

    四人淵潭禪定，靜待一道萬鈞之雷。

    Ray撣了撣雪茄灰，捺著脾性先破僵局：「認祖歸宗之前，英國佬喺批租期上仲會大造文章，利氏將波斯富街、新寧道舊樓轉走沖散風險，集中開發收租置業，應付嘅係結構性變動，大摩預言HK地產泡沫，銀行一旦大幅調息影響各板匯率，到時你想融資都冇好橋。」

    「PE啟用，一期資金由我出，趁市場慶烚烚唔做長揸搞對衝。戴加治玩咗成世策略，佢明我嘅誠意。」

    江詩丹頓一毫一厘嘀嗒循環，他吶吶答復：「龍生，資金殼嘅事我可以介紹專業渠道，希慎方面...私募運營一旦有咩差錯，牽連嘅係成間公司嘅image同名譽，我孭唔起呢個責任。」

    老前輩心持忌憚，東家不信任他，他不信任白武士龍睿。

    鴉片大梟利希慎以血耕耨銅鑼灣帝國，街知巷聞的昭彰惡名早已是時代無字碑，戴子良搭住青雲梯，兢兢業業忠於職守，曾閱盡利舞臺港姐衣香髻影，迷失攀附者阿諛諂媚，深信爛仔脫胎換骨也會成正道善賢。

    即使奶酪攤派從不預他。

    幾十載浮沈墜茵落混，蔥